Lăng glăi boh than pơđĭ kyar bơwih ƀong huă-mơnuih mơnam amăng dêh čar ta hăng amăng tơring čar Bình Phước lăi phara, Khua git gai pơ ala mơnuih ƀôn sang dêh čar ơi Trần Thanh Mẫn brơi thâo, amăng tơlơi dưi hrŏm hơmâo tơlơi gum hrŏm abih pran jua, gơgrong hloh mơng ƀing Khua pơ ala mơnuih ƀôn sang tal 15 tơring čar Bình Phước. Khul pơ ala mơnuih ƀôn sang tơring čar Bình Phước lêng ngă kiăo tui tơlơi git gai, črâo ba mơng gơnong glông hăng lu tơlơi pơplih amăng bruă mă; tơlơi tŭ yua amăng bruă mă mơng Khul pơ ala mơnuih ƀôn sang djop gưl ƀu pơdơi hrưn đĭ, pơplih phrâo amăng djop mơta.

Khua git gai pơ ala mơnuih ƀôn sang dêh čar ơi Trần Thanh Mẫn rơkâo tơring čar Bình Phước gum hrŏm kjăp kơplah wah pơđĭ kyar bơwih ƀong huă-gru grua, mơnuih mơnam hăng pơhlôm rơnuk rơnua, hơđong, pơtom hiăp, sit biă ñu bruă pơtom hiăp amăng pơgang guai pơhlôm rơnuk rơnua, giang mah, ngă hrŏm, pơđĭ kyar hăng dêh čar Kur; bơwih brơi tơlơi hơdip mơda kơ mơnuih ƀôn sang, sit biă ñu mơnuih djuai ania ƀiă amăng ƀon lan; ngă tui klă bruă djru mơnuih mơnam, djru brơi mơnuih ngă hơkrŭ.