Amăng mông bưp, Khua git gai pơ ala mơnuih ƀôn sang dêh čar lăi pơtong, hơdôm boh dêh čar ha guai kual Ngŏ dơnung Asia hăng ASEAN yôm phăn biă mă, anai lĕ tơlơi đing nao blung a hăng ƀu dưi pơčalh amăng hơdră pơtom hiăp mơng Việt Nam. Khua git gai pơ ala mơnuih ƀôn sang dêh čar ơi Trần Thanh Mẫn pơsit tong: “Việt Nam čang rơmang pơtrut hăng pok prong ƀiă dong tơlơi rô nao rai ngă hrŏm lăp djơ̆ hăng boh tơhnal ngă hrŏm dua bơnah hăng hơdôm boh dêh čar ding kơna kual ASEAN, sit biă ñu lĕ amăng bruă ngă tui tui tơlơi gal, djơ̆ hăng tơlơi rơkâo pơđĭ kyar, yua tơlơi dưi sit nik hăng pơdrong asah mơng rĭm boh dêh čar, laih dong pơtrut kiăo tui jơlan gah pơđĭ kyar hrŏm amăng jar kmar.

Khua git gai pơ ala mơnuih ƀôn sang dêh čar đăo gơnang, bruă hơkrŭ pran gum pơgôp mut hrŏm, giang mah, tơlơi rô nao rai, pơlir hơbit kơplah wah Việt Nam hăng hơdôm boh dêh čar ding kơna kual ASEAN hăng amra gum pơgôp kiăng pơđĭ kyar hơđong kjăp, pơdrong asah hrŏm amăng kual ASEAN.