Tui Khua pơ ala mơnuih ƀon sang dêh čar, thun 2022 pơđut hĭ hăng lu bruă kơnuă hăng lu tal pơphun jơnum pơđut amăng Ƀirô Khua pơ ala mơnuih ƀon sang dêh čar. Amăng hơdôm lok jơnum, Jơnum min apăn bruă Khua pơ ala mơnuih ƀon sang dêh čar, Khul djuai ania, hơdôm anom bruă amăng Ƀirô Khua pơ ala mơnuih ƀon sang dêh čar, hơdôm anom bruă gah jơnum min apăn bruă Khua pơ ala mơnuih ƀon sang dêh čar, rĭm grup khua mua hăng rĭm čô khua, kah hăng ƀing bruă pơphô bruă, ƀing apăn bruă, mơnuih mă bruă amăng anom bruă Khua pơ ala mơnuih ƀon sang dêh čar hơmâo gir run pơgôp tŏ tui pơplih phrâo, hrưn đĭ klă dong amăng bruă mă mơng Ƀirô Khua pơ ala mơnuih ƀon sang dêh čar.

Hăng pran khăp pap mơng ñu pô, ơi Vương Đình Huệ pơpŭ ƀing khua mua, mơnuih apăn bruă, mơnuih mă bruă thun phrâo hiam drơi jăn pran jua, bă blai tơlơi mơ-ak hăng lu tơlơi truh kih dong amăng thun 2023.