Kơ boh yôm phun bruă mă phun amăng blan 2, Khua git gai pơ ala mơnuih ƀôn sang dêh čar rơkâo pơtum prăp lui hlâo klă Jơnum mơ̆ng Jơnum min apăn bruă phun pơ ala mơnuih ƀôn sang dêh čar him lăng amăng 4 hrơi. Sa boh yôm phun pơkŏn dơ̆ng anun lĕ Jơnum khua mua amăng đơ đam dêh čar pơƀut bruă mă Khul pơ ala mơnuih ƀôn sang djop tơring čar, ƀôn prong, pơphun ƀơi Quảng Ninh.

Kơ boh yôm phun pơkŏn amăng 3 blan rơwang tal 1 hăng abih sa thun, Khua git gai pơ ala mơnuih ƀôn sang dêh čar ơi Vương Đình Huệ rơkâo, Jơnum min Tơlơi phiăn git gai dăp hơdră čih pơkra tơlơi phiăn, hră pơtrun kơ thun 2024, pơkra glăi Hơdră čih pơkra tơlơi phiăn, hră pơtrun thun 2023, djop sang bruă ngă hrom pơphun djop sang bruă brơi pơdah thâo kơčăo hăng Jơnum min apăn bruă phun pơ ala mơnuih ƀôn sang dêh čar, khua mua pơ ala mơnuih ƀôn sang dêh čar tui hluai tơlơi dưi hơmâo jao laih.