Ơi Vương Đình Huệ lăng yôm bruă sĭ mơdrô mơng ƀut hơdôm boh Kông ti Samsung ƀơi Việt Nam. Čang rơmang Samsung tuh pơ plai sui hloh, pơđĭ kyar ƀơi Việt Nam, Khua git gai pơ ala mơnuih ƀon sang dêh čar ta pơsit, Ƀirô khua git gai pơ ala mơnuih ƀon sang Việt Nam, Kơnuk kơna Việt Nam lêng kơ lăng ba pơplih anih anom tuh pơ plai sĭ mơdrô, dưi pơhno nao rai kơtang hloh, djru brơi klă hloh kơ ƀing rai tuh pơ plai bơwih ƀong sui thun ƀơi Việt Nam.

Ơi Park Hark Kyu lăi, Samsung dưi bơwih ƀong sui laih anun amra tŭ mă lu tơlơi truh kih ƀơi Việt Nam, anai lĕ yua hơmâo tơlơi gum djru mơng Ƀirô khua git gai pơ ala mơnuih ƀon sang Việt Nam, Kơnuk kơna Việt Nam hơmâo djru akŏ pơdong brơi anih tuh pơ plai klă kơ hơdôm anom bơwih ƀong. Hrơi blan pơ anăp, anom bơwih ƀong amra gir jing anom bơwih ƀong tuh pơ plai prong hloh hăng sui thun hloh pơ Việt Nam.