Khua git gai pơ ala mơnuih ƀon sang dêh čar ơi Vương Đình Huệ pơpŭ kơ Khua anih jưh pơ ala dêh čar Kur Cha Navuth hơmâo pơgiong bruă mă ƀơi Việt Nam; lăng yôm hơdôm tơlơi gum pơgôp mơng Khua sang anih jưh lăi phara hăng Sang anih jưh pơ ala dêh čar Kur ƀơi Việt Nam hnun mơn amăng bruă kơtưn tơlơi rô nao rai hiam klă, giang mah gru grua, ngă hrŏm djop mơta, hơđong kjăp sui thun kơplah wah dua boh dêh čar amăng djop plang Ping gah, Kơnuk kơna, Ƀirô Khua pơ ala mơnuih ƀon sang dêh čar kah hăng bruă pơbưp nao rai mơnuih ƀon sang.

Khua git gai pơ ala mơnuih ƀon sang dêh čar pơsit tong, dêh čar Việt Nam hăng ñu pô amra abih pran jua kiăng ngă kơtưn, hơkrŭ kjăp pran gum pơgôp giang mah hăng ngă hrŏm djop mơta kơplah wah dua Ping gah, dua Kơnuk kơna; čang rơmang, mah ngă bruă hơget tŭ mơn, Khua sang anih jưh amra tŏ tui pơtrut tơlơi rô nao rai hiam klă kơplah wah 2 Ping gah, 2 kơnuk kơna hăng mơnuih ƀon sang dua bơnah.