Tơdơi kơ anun, Khua pơ ala mơnuih ƀôn sang pơphun pơđut tal jơnum lok 9. Sa dua mơta Tơlơi pơtrun pơsit dưi hmâo Khua pơ ala mơnuih ƀôn sang pơsit pel ĕp mơguah lơ 19/2, hmâo: Tơlơi pơtrun pơsit mơ̆ng Khua pơ ala mơnuih ƀôn sang kơ hơdră pơtrun tuh pơplai rơwang bruă pơkra jơlan rơdêh treng Lào Cai – Hà Nội – Hải Phòng; Tơlơi pơtrun pơsit pơphô hlâo sa dua hơdră pơkă, hơdră bruă phara ha jăn, biă ñu pioh pơđĭ kyar jơlan rơdêh treng plơi prong, ƀôn prong ƀơi ƀôn prong Hà Nội, ƀôn prong Hồ Chí Minh; Tơlơi pơtrun pơsit kơ hơdôm hơdră pơkă, hơdră bruă phara ha jăn pơdŏng rơwang bruă pơkĕ apui ayuh Ninh Thuận; Tơlơi phiăn mă yua hră pơ-ar pơkă tơlơi phiăn (pơplih pơkra); Tơlơi phiăn pơphun bruă gong gai tơring čar, ƀôn prong (pơplih pơkra): Tơlơi pơtrun pơsit kơ pơsir sa dua mơta tơlơi bơdjơ̆ nao dưm dăp bruă mă amăng kơnuk kơna; Tơlơi pơtrun pơsit pơhrua nao dong kơčăo bruă pơđĭ kyar bơwih ƀong – mơnuih mơnam thun 2025 hăng tơhnal pơkă pơđĭ kyar hmâo 8% hăng lu hloh; Tơlơi pơtrun pơsit pơphô hlâo sa dua hơdră bruă pioh pơtlaih tơlơi gun amăng bruă kơsem min bôh thâo phrâo, hơdră phrâo măi mok hăng pơplih phrâo pơčeh phrâo.

Hlâo anun, hrơi tom brơi (18/2), Khua pơ ala mơnuih ƀôn sang dêh čar pơčrông sai, pơsit tŭ yap tơlơi pơtrun mơng Ƀirô Khua pơ ala mơnuih ƀôn sang dêh čar kơ bruă pơplih amăng pơphun mơng Kơnuk kơna, tơlơi pơtrun mơng Khua pơ ala mơnuih ƀôn sang dêh čar kơ bruă pơplih mrô ding kơna amăng Kơnuk kơna rơwang ngă bruă Khua pơ ala mơnuih ƀôn sang dêh čar tal XV (čih pơkra glăi). Tui anun, bruă pơplih pơphun bruă mơng Kơnuk kơna hơmâo 14 Ding jum hăng 3 anom bruă bơkơnar Ding jum. Kơ bruă pơplih mrô ding kơna mơng Kơnuk kơna; 14 khua ding jum hăng 3 Khua anom bruă bơkơnar Ding jum. Khua pơ ala mơnuih ƀôn sang dêh čar ăt hơmâo tŭ yap ruah pơhrua ơi Mai Văn Chính hăng ơi Nguyễn Chí Dũng ruah ngă Kơ-iăng Khua dêh čar, 4 Khua ding jum hơmâo tŭ yua amăng tal anai hơmâo: Khua ding jum man pơdong Trần Hồng Minh, Khua ding jum boh thâo ia rơgơi  Nguyễn Mạnh Hùng, Khua ding jum ngă hmua hăng ayuh hyiăng lŏn mơnai Đỗ Đức Duy, Khua ding jum djuai ania hăng tơlơi đăo Đào Ngọc Dung./.