Nao jơnum hrom hơmâo, Khua git gai ping gah grup pơ ala mơnuih ƀôn sang dêh čar, Khua git gai pơ ala mơnuih ƀôn sang dêh čar ơi Vương Đình Huệ; ding kơna ding jum kơđi čar, ding kơna git gai ping gah dêh čar, Khua anom bruă pơgăn tơlơi ƀong kông ngăn dêh čar ơi Phan Đình Trạc.

Pơhiăp ƀơi mông jơnum kĭ pơkôl, ơi Vương Đình Huệ lăi, thun blan pơ anăp, bruă ngă hrom kơplah wah ping gah grup khua mua pơ ala mơnuih ƀôn sang dêh čar hăng anom bruă pơgăn ƀong kông ngăn dêh čar ƀu pơdơi ôh đing nao, ngă kjăp tui, kơtưn lu hloh, djru hrom yôm amăng bruă lăi pơthâo mơ̆ng dua boh anom bruă djru khul apăn bruă ping gah dêh čar, laih anun lăi pơthâo hăng ding jum kơđi čar, khul apăn bruă git gai ping gah dêh čar, khul git gai mơ̆ng gơnong dlông dêh čar kơ bruă pơhlôm, pơgăn tơlơi hưp ham ƀong kông ngăn, soh sat hăng pơblih bruă čih pơkra tơlơi phiăn. Hơdôm boh tơhnal yôm amăng bruă mă pơkơdong glăi tơlơi soh sat hưp ham ƀong kông ngăn jing sa bruă mă prong biă mă hơmâo pơgôp hrom mơ̆ng dua boh sang bruă anai.