Khua git gai pơ ala mơnuih ƀôn sang dêh čar bơni kơ Gong gai dêh čar Japan hmâo djru laih rơbêh kơ 600.000 čô mơnuih Việt Nam glăk dô̆ hơdip, pơhrăm, mă bruă ƀơi dêh čar Japan; pơtŏng sit, anai lĕ jơlan tô nao rai yôm phăn kơ tơlơi giăng mah Việt Nam – Japan.

Pơ̆ anăp anai, Khua git gai pơ ala mơnuih ƀôn sang ơi Trần Thanh Mẫn čang rơmang, dua bôh dêh čar pơtrut kơtang dong bruă gum hrŏm abih bang ba glăi bôh tơhnal hăng sit nik hloh dong; kơtưn bơkơtuai grŭp gưl dlông hăng hơdôm gưl amăng abih bang hơdôm bruă Ping gah, Kơnuk kơna hăng Khua pơ ala mơnuih ƀôn sang, bơkơtuai kơplah wah hơdôm grŭp dua bôh dêh čar, biă ñu kơplah wah Khul pơlir hơbit giăng mah Japan – Việt Nam hăng Grŭp khua pơ ala mơnuih ƀôn sang giăng mah Việt Nam – Japan; pơtrut kơtang gum hrŏm bôh thâo đưm, tuai čuă ngui hăng bơkơtuai mơnuih ƀôn sang dua bôh dêh čar./.