Khua git gai pơ ala mơnuih ƀon sang ơi Vương Đình Huệ lăi, Khul pơlir hơbit kual Mi Kô̆ jing pô ngă gŏp yôm phun amăng jơlan hơdră pơtom hiăp mơng Việt Nam. Yua hnun, Việt Nam kiăng pơđĭ tui tơlơi rô nao rai hăng EU ăt kah hăng hơdôm boh dêh čar ding kơna; laih dong lăng yôm  biă hơdôm tơlơi dưi ngă, boh than klă amăng tơlơi rô nao rai Việt Nam - EU hluai tui hơdôm bruă kơđi čar, pơtom hiăp, sĭ mơdrô, tuh pơ plai, ngă hmua, akan hơdang, pơgang lŏn ia - rơnuk rơnua; ngă hrŏm pơđĭ kyar, pơbưp bơkơtuai tơlơi dưi mơnuih ƀon sang...Mơta pơkŏn dong, Việt Nam, Khua git gai pơ ala mơnuih ƀon sang Việt Nam lêng dong yua bruă pơđĭ tui tơlơi ngă hrŏm dlăm kơplah wah ASEAN - EU laih anun amra gơgrong bruă klă amăng bruă anai.

Khua Jơnum min bruă pơtom hiăp mơng Ƀirô khua git gai pơ ala mơnuih ƀon sang kual Mi Kô̆ brơi thâo, tal nao čuă hăng mă bruă ƀơi Việt Nam kiăng pơtrut tui hloh dong tơlơi rô nao rai kơplah wah EU hăng ASEAN; laih dong pơtrut tui bruă pơtom hiăp nao rai ƀirô khua git gai pơ ala mơnuih ƀon sang.