Pơhiăp amăng mông jơnum, phun ñŭ tŭ ư hăng jơlan gah, bruă mă mơ̆ Anom bruă Khua pơ ala mơnuih ƀôn sang hmâo ba tơbiă, Khua git gai wai lăng pơ ala mơnuih ƀôn sang dêh čar ta ơi Vương Đình Huệ rơkâo Anom bruă Khua pơ ala mơnuih ƀôn sang đing nao 5 mơta tơlơi kah hăng, khom pok pơhai ba glăi bôh tơhnal dong Jơlan hơdră bruă mă mơng Ping gah Khul khua pơ ala mơnuih ƀôn sang hăng Ping gah ƀirô pioh kơ bruă ngă tui Tơlơi pơtrun pơsit Jơnum tal 13 mơng Ping gah;

Khua git gai ngă tui klă bruă pơtô juăt kơđi čar, tơlơi pơmin; bruă pel ĕp, lăng tui hăng ngă tui tơlơi phiăn Ping gah; pơđĭ tui klă bruă pơtô ba mơnuih ƀôn sang hăng khua mua hơdôm khul grŭp, kơtưn lăi pơthâo, lăi abih hăng pok pơhai ngă tui ba glăi bôh tơhnal hơdôm tơlơi pơtrun pơsit, črâo ba, klah čun mơng Grŭp mă bruă Ping gah dêh čar, Ding jum kơđi čar, Grŭp gum bruă git gai Ping gah hăng Ping gah Khul hơdôm bôh ƀirô Ping gah dêh čar./.