Khua git gai wai lăng pơ ala mơnuih ƀôn sang Vương Đình Huệ lăi rơđah, mông ngă lơphet dưi pơphun amăng tal hơdor glăi 77 thun Hrơi Ruah khua blung a pơphun ruah Khua pơ ala mơnuih ƀôn sang dêh čar Việt Nam yôm phăn biă. Amăng rim yak nao ƀơi jơlan kơjăp tui hăng pơđĭ kyar, Khua pơ ala mơnuih ƀôn sang Việt Nam hmâo laih lu bôh than prong prin, djru lăp djơ̆ amăng bruă pơdŏng, pơgang Lŏn ia Việt Nam djop mơnuih dưm kơnar.

Amăng bôh than hrom mơng Khua pơ ala mơnuih ƀôn sang hmâo gum hơgôp prong prin mơng hơdôm rơnuk khua pơ ala mơnuih ƀôn sang, amăng anun hmâo 4 čô ư-ang dưi hmâo Ping gah, Kơnuk kơna ƀơk brơi Miđai, apah bơni yôm phăn. Khua git gai wai lăng pơ ala mơnuih ƀôn sang Vương Đình Huệ ƀơk Miđai Hồ Chí Minh kơ Kơ-ăng Khua git gai wai lăng pơ ala mơnuih ƀôn sang hơđăp ơi Huỳnh Ngọc Sơn, ƀơk Miđai Hồ Chí Minh kơ Kơ-ăng Khua git gai wai lăng pơ ala mơnuih ƀôn sang hơđăp Uông Chu Lưu, ƀơk Miđai Quân công dăp tal 3 kơ Thượng tướng Trần Quang Phương – Kơ-iăng Khua git gai wai lăng pơ ala mơnuih ƀôn sang, ƀơk Miđai mă bruă dăp tal 3 kơ ơi Trần Văn, Khua djru bruă hơđăp Kơ-iăng Khua git gai wai lăng pơ ala mơnuih ƀôn sang ơi Phùng Quốc Hiển./.