Khua git gai wai lăng pơ ala mơnuih ƀôn sang dêh čar Vương Đình Huệ rơkâo abih bang mơnuih apăn bruă tơhan, tơhan kông ang tơring čar ba jơlan hlâo dong, ngă gru, lăi pơthâo dơlăm hăng pơphun ngă tui tơpă Tơlơi pơtrun pơsit Jơnum tal 13 mơng Ping gah dêh čar hăng hơdôm tơlơi pơtrun pơsit, črâo ba, klah čun mơng Ping gah kơ pơdŏng khul kông ang.

Khua git gai wai lăng pơ ala mơnuih ƀôn sang dêh čar rơkâo, Khul Kông ang tơring čar Lào Cai ngă tui bruă phun amăng pơdŏng Abih bang mơnuih ƀôn sang pơgang Rơnuk rơnua plơi pla Lŏn ia; pơtrut kơtang bruă pơtô ba mơnuih ƀôn sang nao hrom hăng pơdŏng bruă rơnuk rơnua mơnuih ƀôn sang, bruă pơgang rơnuk rơnua mơnuih ƀôn sang; kơtưn đĭ dong hăng ngă tui bruă hơđong tơlơi hơdip mơda mơnuih mơnam, djru neh wa kual asuek, ataih, kual guai dêh čar, kual tơnap tap hăng pran jua “ƀu lui lơi hlơi gah tlôn”. Biă ñu amăng tal Tết tui phiăn juăt anai khom pơhlôm kơ mơnuih ƀôn sang čơkă Tết pơhlôm hơđong, dưi čơkă mă sa bơyan trơi pơđao, yâu mơ-ak./.