Nao pơhmư̆ hăng đĭ pơhiăp amăng Jơlan hơdră, Khua Grŭp git gai Ping gah Võ Văn Thưởng lăi rơđah, hơdôm thun rơgao, Ping gah, Kơnuk kơna ta lăng ba na nao, hmâo lu hơdră pơtrun, hơdră bruă, iâu pơhrui tơlơi gum hrom klă mơng hơdôm gưl, hơdôm gơnong bruă hăng abih bang mơnuih ƀôn sang bơwih brơi kơ mơnuih ƀôn sang, biă ñu neh wa kual asuek, ataih, guai dêh čar, bul ia rơsĭ.

Lom  anun hmâo tơlơi gum hơgôp prong prin mơng Khul ling tơhan pơgang guai dêh čar. Biă ñu, ling tơhan pơgang guai dêh čar đơ đam dêh čar ta hmâo lăng ba hăng rông ba giăm truh 3.000 čô čơđai sang hră ƀơi anih guai dêh čar, bul ia rơsĭ. Jơlan hơdră “Bơyan bơnga pơgang guai dêh čar pơđao pran jua ană plơi” Tết Quý Mão hmâo pơplih phrâo hơdră pơtrun, hơdră bruă mơng Ping gah, Kơnuk kơna gah hrŏ trun rin rơpă; sit nik čơkă bruă “Đơ đam dêh čar gum tơngan hrom yua kơ mơnuih ƀun rin – ƀu lui lơi hlơi gah tlôn” yua kơ Gong gai dêh čar pok phun./.