Nao čuă Sang hră gưl sa Nguyễn Thị Tốt, ƀơi să Vĩnh Hựu, tơring glông Gò Công Tây (tơring čar Tiền Giang), ơi Nguyễn Trọng Nghĩa, ding kơna git gai Ping gah dêh čar, Khua Grŭp pơtô bruă Ping gah dêh čar hmâo tơña bla tơlơi suaih pral, pơsur nai čơđai mơng Sang hră gir run, hơkrŭ pơsir tơlơi tơnap pơđĭ tui anô̆ klă bruă pơtô hăng pơhrăm, djru pơtô juăt mơnuih rơgơi mơbruă kơ lŏn ia.

Ơi Nguyễn Trọng Nghĩa hơ-ưč hmưi nai hăng čơđai mơng sang hră Nguyễn Thị Tốt thun phrâo, hmâo bôh than phrâo, ƀơk gơnam hăng 20 klăk prăk pioh mơnuih apăn bruă, mơnuih mă bruă ƀơi sang hră hmâo tơlơi gal mơ-ak bơyan bơnga, čơkă tết tui phiăn juăt. Hlâo kơ anun, ơi Nguyễn Trọng Nghĩa, ding kơna git gai Ping gah dêh čar, Khua Grŭp pơtô bruă Ping gah dêh čar hmâo nao čuă, hơ-ư̆č hmưi laih Tết ƀơi Ƀirô git gai Khul ling tơhan pơgang guai dêh čar tơring čar Tiền Giang./.