Pơhiăp ƀơi mông mă bruă, ơi Võ Văn Thưởng lăi lĕ, tơlơi gêh găl amăng bruă mă ƀơi Kon Tum tơdu đôč samơ̆ hăng tơlơi gir run mơ̆ng Ping gah hăng mơnuih ƀôn sang dưi hơmâo lu boh tơhnal tŭ yua yôm; Bruă mă akŏ pơdong ping gah hơmâo ba glăi lu boh tơhnal klă hiam; ƀuh ngă tui djơ̆ bruă pơphun glăi anom bruă, khul mơnuih mă bruă amăng kơnuk kơna, lăng yôm djop črăn bruă dăp hơdră, ruah mơnuih apăn bruă kơnuk kơna...Kơ bruă mă phun pơ anăp adih ƀơi tơring čar Kon Tum, tui hăng ơi Võ Văn Thưởng, Khua gum bruă ping gah dêh čar lăi:

Bruă yôm hloh lĕ khom đing nao djru ană plơi. Ngă hiư̆m pă boh tơhnal dưi ngă lu hloh pơhrŏ ƀun rin hơđong kjăp, pơđĭ tui tơlơi hơdip mơda kơ mơnuih ƀôn sang. Bruă yôm tal dua dơ̆ng lĕ, pơgang kjăp lŏn ia, tơlơi rơnuk rơnua kơ mơnuih ƀôn sang amăng kual plơi pla mơnuih djuai ƀiă. Klâo lĕ pơgang glai klô, kyâo pơtâo, kông ngăn amăng lŏn glai, khom pơgang pioh tong ten kiăng pơtrut pơđĭ kyar hmar hăng hơđong kjăp.