Tui lăi pơthâo, giăm 2 thun amăng rơwang thun mă bruă 2021-2026, Khul lý luận gơnong glông hơmâo pơgiong klă bruă jao akŏ phun anun lĕ: mut hrŏm amăng pơphun ngă tui, hmao tlôn, ngă pơtong tui hơdôm hră črâo trun, tơlơi pơtrun  mơng jơnum Ping gah tal 13 kiăng pơgôp ba tơlơi črâo trun, tơlơi pơtrun mơng Ping gah mut amăng tơlơi hơdip mơda.

Đĭ pơhiăp git gai mông mă bruă, Khua gum bruă git gai Ping gah ơi Võ Văn Thưởng rơkâo, pơ anăp anai Khul lý luận gơnong glông kiăng đing nao ngă tui sa, dua bruă akŏ phun, amăng anun hrưn đĭ klă dong hơdôm tơlơi lăi pơthâo mơng Khul hăng kiăng tum pơƀut hăng ngă tui tơlơi thâo thăi mơng ƀing rơgơi kơhnâo, anih anom kơsem min đơ đam dêh čar; rơkâo anom bră Ping gah dêh čar hăng djop ding jum, gơnong bruă bơdjơ̆ nao gum hrŏm, kiăng khul lý luận gơnong glông pơgiong klă bruă jao brơi ƀing gơñu.