Khua mir sir ƀơk gơnam brơi mơnuih ƀun rin amăng jơlan hơdră “Tết khăp pap” ƀơi Kiên Giang
Thứ tư, 10:38, 11/01/2023
VOV/Siu Đoan Pơblang
VOV/Siu Đoan Pơblang
VOV4.Jarai-Mơguah lơ 10/1, Khua mir sir ơi Nguyễn Xuân Phúc nao lăng hrơi ngui sang čơ Tết khăp pap djru brơi mơnuih ƀun rin, nao lăng jơlan hơdră “Tết khăp pap”; jao sang dŏ, ƀơk gơnam brơi ƀing čơđai, mơnuih hyu mă akan hơdang, sang anŏ ƀun rin, tơnap tap, ƀing djơ̆ jrao hret ƀơi tơring glông Hòn Đất, tơring čar Kiên Giang.
Khua mir sir lăng yôm jơlan hơdră “Tết khăp pap” brơi mơnuih ƀun rin hơmâo khul ia jrao kyâo bơrơkal mriah Việt Nam pok pơhai amăng djop plơi pla đơ đam dêh čar hăng lu bruă mă sit nik, djru brơi tơlơi hơdip mơda kơ mơnuih ƀon sang.
Khua mir sir čang rơmang khul ia jrao kyâo bơrơkal mriah djop gưl ngă klă jơlan hơdră “Tết khăp pap”; rơkâo gong gai djop gưl tơring čar Kiên Giang hăng tơring glông Hòn Đất tŏ tui đing nao, ngă gêh gal ƀiă dong kiăng djru brơi ƀing kông nhơn, mơnuih mă bruă, ƀing tui hơdră djru amăng ƀon lan kiăng “Abih bang mơnuih lêng kơ dưi čơkă thun phrâo mơ-ak”; djă pioh gru grua hing ang mơng plơi pla sông kơtang.
Viết bình luận