Pơhiăp ƀơi mông bưp, lăi pơtong tơlơi kiăng bơkơtưn mă bruă khăp kơ lŏn ia mơ̆ng Khua mir sir  Hồ Chí Minh hăng gru grua juâ̆t ngă “khăp kơ pô pơkŏn kah hăng drơi jăn ta pô”, pran jua anun djru nao rai sa rơnoh yôm hiam klă mơ̆ng djuai ania ta, Khua mir sir ơi Nguyễn Xuân Phúc pơdah rai pran jua hok mơak hăng ol kơdol bâo nao sa tơlơi ră ruai akhan đưm amăng tơlơi hơdip sitnik mơ̆ng lu mơnuih hiam ngă bruă klă tui hơdră anăn “Bruă ngă hiam”.

Khua mir sir lăi rơđah, Ping gah hăng Kơnuk kơna ta đing nao biă mă kơ ƀing hơmâo djru pran kơ bruă čar, sang anŏ ƀun rin, mơnuih ƀu klă drơi jăn, mơnuih tơdu uăt amăng mơnuih mơnam, kiăng ƀu lui pô hlơi dŏ glăi pơ klôn ôh. Hrom hăng anun, hơmâo gum tơngan hrom mơ̆ng ƀing ngă bruă thâo khăp pap, djru nao rai, ba glăi tơlơi đăo kơnang amăng tơlơi hơdip mơda ba tơlơi bơngač amăng tơlơi hơdip hiam, pran jua tơpă mơ̆ng ană mơnuih Việt Nam thâo khăp pap, djru nao rai.