Tŭ jum khua anih jưh pơ ala dêh čar Sri Lanka, Khua mir sir ơi Nguyễn Xuân Phúc lăi, Việt Nam lăng yôm bruă ngă giăng mah gru grua hăng tŭ yua hloh lu mơta bruă. Pơ anăp anai, Khua mir sir ơi Nguyễn Xuân Phúc rơkâo, dua bơnah dêh čar pơblih brơi grup khua mua čuă jơmư nao rai, tui plăng tơlơi pơhing mơ̆ng Kơnuk kơna, khua pơ ala mơnuih ƀôn sang, ping gah kơđi čar hăng brơi mơnuih ƀôn sang găn rơgao nao rai giăng mah.

Tŭ jum khua anih jưh pơ ala dêh čar Kur, ơi Nguyễn Xuân Phúc bơni kơ khua anih jưh hơmâo ngă giong bruă gơñu hiam klă, djru hrom bruă ngă giăng mah dua bơnah, biă mă ñu amăng thun hơdor glăi bruă ngă giăng mah Việt Nam-Kur thun 2022. Khua mir sir čang rơmang, ăt djru hrom pơgôp prong djă pioh, pơbŭ tui gru grua gum pơgôp, giăng mah pŭ ƀăn, ngă hrom laih anun djru nao tơdruă dua bơnah dêh čar.