Pơhiăp črâo ba amăng mông Jơnum, Khua mir sir dêh čar ta Nguyễn Xuân Phúc lăi rơđah hơdôm bôh than mơng lŏn ia thun 2022, gah yŭ tơlơi git gai mơng Ping gah, ba akô̆ lĕ Khua git gai Ping gah dêh čar ta ơi Nguyễn Phú Trọng hăng pơtŏng sit, amăng hơdôm bôh than anun hmâo tơlơi gum hơgôp yôm phăn mơng Gơnong bruă pel ĕp kơđi tơlơi mơnuih ƀôn sang.

Khua mir sir dêh čar ta bơni gơnong bruă Pel ĕp kơđi tơlơi mơnuih ƀôn sang gir run, gơgrong hlâo pok pơhai ha amăng plĕ lu jơlan gah kiăng ngă tui klă 4 tơhnal pơkă prong, 7 ƀut bruă phun, dưi ngă hăng hloh kơ bruă jao, tơhnal ba tơbiă hmâo Khua pơ ala mơnuih ƀôn sang jao. Pơ̆ anăp anai, Khua mir sir dêh čar ta ơi Nguyễn Xuân Phúc rơkâo Gơnong bruă pel ĕp kơđi tơlơi mơnuih ƀôn sang dêh čar hăng gơnong bruă ječ pơdŏng jơlan hơdră, kơčăo bruă pok pơhai ngă tui hmao tlôn, ba glăi bôh tơhnal hơdôm bruă mă, jơlan gah amăng Tơlơi pơtrun pơsit mrô 27 mơng dêh čar kơ “Pơdŏng dong hăng ngă giong kơnuk kơna djơ̆ phiăn djop mơnuih dưm kơnar Việt Nam amăng rơwang phrâo”.