Khua mir sir dêh čar ta ơi Nguyễn Xuân Phúc hơ-ư̆č hmưi Khua pơ ala mơnuih ƀôn sang dêh čar Indonesia pơphun truh kih Bơkơtuai bruă Khua pơ ala mơnuih ƀôn sang G20 (P20), djru Indonesia ngă giong prong bruă Khua G20 thun 2022; pơtŏng sit Việt Nam amra dŏng yua klă Indonesia gơgrong truh kih bruă Khua ASEAN ăt kah hăng Khua Khul pơ ala Khua pơ ala mơnuih ƀôn sang hơdôm bôh dêh čar Đông Nam Á (AIPA) tal 44 thun 2023; Khua git gai wai lăng pơ ala mơnuih ƀôn sang dêh čar Indonesia tŭ ư kơtưn lăi pơthâo nao rai kiăng lăi pơthâo tơlơi găn rơgao pơjing tơlơi phiăn hăng gum hrom lăng tui hơdôm tơlơi pơkôl gum hrom kơplah wah dua bôh dêh čar kiăng ngă tui bruă mă mơng Khua pơ ala mơnuih ƀôn sang dua bôh dêh čar.

Dua bơnah pơtŏng sit kơtưn gum hrom kơjăp ƀơi hơdôm mông bơkơtuai bruă khua pơ ala mơnuih ƀôn sang lu bơnah pơkon kah hăng Khul pơlir hơbit Khua pơ ala mơnuih ƀôn sang rŏng lŏn tơnah (IPU), bruă bơkơtuai Khua pơ ala mơnuih ƀôn sang kual ASIA – Thái Bình Dương (APPF), hrom hăng anun amra dŏng yua tơlơi pơmin mơng tơdruă kơ hơdôm tơlơi amăng kual hăng jar kơmar hơdai bơ đing nao./.