Khua mir sir ơi Lương Cường nao pơhmư̆ ƀơi anih pơdah rup ƀôn prong Hồ Chí Minh; Khua dêh čar ơi Phạm Minh Chính nao pơ̆ ƀơi Hà Nội; Khua git gai pơ ala mơnuih ƀôn sang dêh čar ơi Trần Thanh Mẫn nao pơhmư̆ ƀơi tơring čar Quảng Trị. Jơlan hơdră hmâo 3 črăn: “Khát vọng hòa bình”, “Ý chí độc lập thống nhất” hăng “Ta tự hào đi lên! Ôi Việt Nam”.

Tơlơi kiăng lăi lĕ tơlơi jơnum jao gơnam djă pioh mơ̆ng ling tơhan pơsăn drơi Việt Nam yua kơ ling tơhan hơđăp dêh čar Mi Adolph Novello djă pioh amăng 50 thun. Bruă ngă ol pran jua anai rŭ tơgŭ pran thâo tơngia dơlăm pioh kơ rơnuk ơi yă nao hlâo pơsăn drơi yua kơ tơlơi rơngai, dưi pô. Jơlan hơdră“Vang mãi khúc khải hoàn” ngă rŭ tơgŭ pran ol kơdol hăng pran thâo tơngia dơlăm ƀơi anăp tơlơi pơsăn drơi prong prin mơ̆ng rơnuk nao hlâo, hơdôm ană mơnuih hmâo rơbuh đih pioh mă tơlơi rơngai, dưi pô kơ djuai ania./.