Khua git gai pơ ala mơnuih ƀôn sang dêh čar ơi Trần Thanh Mẫn brơi thâo, amăng hrơi blan amăng rŏng lŏn tơnah hơmâo lu tơlơi pơplih, amăng dêh čar glăk dưm dăp, ngă hơbot anih anom, dưm dăp gong gai 2 gưl amra bơdjơ̆ nao tơlơi git gai wai lăng bruă bơwih ƀong huă-mơnuih mơnam. Lơm anun hơnong pơkă ba tơbiă kiăng pơđĭ kyar thun 2025 lĕ 8% hăng truh thun 2030 lĕ 2 mrô.

Khua git gai pơ ala mơnuih ƀôn sang dêh čar pơsit tong: Ƀirô Khua pơ ala mơnuih ƀôn sang dêh čar gum hrŏm hăng Kơnuk kơna, tui tơlơi git gai mơng Ping gah, tŏ tui pơplih hơdră bruă, tơlơi phiăn brơi kơtang tui kiăng lăp djơ̆ tơlơi rơkâo pơsir hĭ tơnap tap amăng bơwih ƀong huă. Kơ bruă bơwih ƀong mơnuih ƀôn sang ngă pô, Ping gah hơmâo tơlơi pơtrun mrô 68, Khua pơ ala mơnuih ƀôn sang dêh čar tŭ yap tơlơi pơtrun mrô 198 laih, kơnuk kơna hơmâo tơlơi pơtrun 193. Ră anai bruă pok pơhai ngă tui hiưm pă brơi klă, kiăng 6 blan rơnuč thun dưi pơđĭ kyar 8%.