Ayong Siu Pôp, djuai ania Jarai ƀơi plơi Anh, să Ia Bang, tơring glông Čư̆ Prông, tơring čar Gia Lai, jing mơnuih mă bruă kơ Plah tơsiong đang hmua Hòa Bình, Sang bruă kơ su Čư̆ Prông brơi thâo anom hmâo rơbêh kơ 260 čô mơnuih mă bruă lĕ djuai ania ƀiă, dưm dưm hăng 92% mrô mơnuih mă bruă mơ̆ng plah tơsiong. Amăng “Blan mơnuih mă bruă kơ sang bruă” thun 2025, Sang bruă hmâo pơphun lu bruă mă hur har, sit nik kiăng bơwih brơi tơlơi hơdip mơda kơ mơnuih mă bruă.

“Dong mơ̆ng hrơi mut mă bruă kơ đang kơ su, dưi hmâo tơlơi gum djru hăng pơtô brơi mơ̆ng khua git gai, ƀing gơmơi ngă djơ̆ jơlan gah pla pơkra hăng ba glăi bôh tơhnal prăk pơhrui glăi hơđong. Ră anai, tơlơi hơdip mơda mơ̆ng mơnuih mă kơtăk kơ su lu hloh lu biă; mơ̆ng prăk ƀong huă, mă yua amăng sang anô̆ dưi pơplih phrâo. Ƀô̆ mơta plơi pla ră anai pơplih, apui lơtrik mă yua djop. Ră anai jơlan nao rai hmâo tuh ƀê tông, kơ su laih. Hlâo adih tơnap tap biă, sang dô̆ ƀu rô̆ yâo, samơ̆ ră anai pưk sang klă hiam, tơlơi hơdip mơda phara lu biă”.

Dưi thâo, amăng “Blan mơnuih mă bruă” thun anai, Khul mut phung tơring čar Gia Lai hmâo ƀơk laih prăk djru pơdŏng, pơkra glăi 25 bôh sang dô̆ “Bơbung sang khul mut phung” kơ mơnuih mă bruă hmâo tơlơi hơdip tơnap tap./.