Khua mir sir kiăng bruă prăp rơmet, pơphun jơnum ping gah djŏp gưl khŏm hơmâo khua mua git gai pơphun ngă djơ̆ tơlơi phiăn, djơ̆ tơlơi pơtrun mơ̆ng Ping gah. Pơtă hlâo bruă pơphun jơnum kiăng gơnăm bơkơtuai rơđah, tong ten, dlăm, pơgôp hiăp tŭ yua hơdôm tơlơi pơtrun, hră pơ-ar jơnum; lăi pơthâo bruă kơđi čar khŏm djơ̆ tui bruă ngă tui Tơlơi pơtrun jơnum ping gah mơ̆ng rơwang bruă hlâo, biă ñu hơdôm bruă yôm phun, bruă akŏ pơjing ping gah, pơplih klă Ping gah.

Hăng bruă tum pơƀut glăi Tơlơi pơtrun mrô 18, Khua mir sir kiăng anom bruă kơnuk kơna phrâo mă bruă klă hloh, tŭ yua hloh, klă hloh kơ tơlơi kiăng, tơlơi jao bruă mơ̆ng Anom bruă Khua mir sir. Bruă dưm dăp glăi anom bruă mơnuih mă bruă kơnuk kơna kiăng lăp đing nao tơlơi kiăng khăp, lăng ba tơlơi hơdip mơ̆ng ƀing khua, mơnuih mă bruă kơnuk kơna, mơnuih mă bruă mơ̆ng djŏp anom bruă đah mơ̆ng hơđong pran jua, gir ngă truh kih djŏp bruă hơmâo jao.