Pơ ala kơ Ping gah, Kơnuk kơna Việt Nam, Khua mir sir dêh čar ta bơni kơ Ơi pơtao dêh čar Kur Norodom Sihamoni, Khua CPP, Khua git gai pơ ala mơnuih ƀôn sang gơnong dlông dêh čar Kur Hun Sen hrŏm hăng khua mua gưl dlông Kur hmâo mơ-ĭt tơlơi rơngôt hrŏm hăng pơkiăo rai grŭp khua mua jôk atâo, pơdah pran jua tơpă sit hăng kĕ phĭ kơplah wah dua bôh dêh čar.

Dua bơnah tŭ ư hrŏm pok pơhai ba glăi bôh tơhnal hơdôm bôh yôm hmâo laih amăng hơdôm mông pơbưp gưl dlông jê̆ hăng anai, biă ñu lĕ bruă bưp 3 čô Khua git gai Ping gah Việt Nam – Kur – Lao amăng blan 2/2025. Dua bơnah ăt pơtŏng sit mơn tơhnal yôm phăn mơ̆ng tơlơi rô nao rai mơ̆ng hlâo, gum hrŏm hơbit, kĕ phĭ hăng pơsăn drơi yua kơ tơdruă, biă ñu amăng hơdôm hrơi amăng kual hăng rŏng lŏn tơnah glăk hmâo lu tơlơi pơplih./.