Pơhiăp amăng mông tŭ jum, pơ ala kơ Khua git gai Ping gah, Kơnuk kơna hăng Mơnuih ƀôn sang Việt Nam, Khua mir sir dêh čar ta bơni hơdôm pran jua klă hiam, tơlơi gum hrom hơbit, dŏng yua yôm phăn mơ̆ ƀing gơyut gơyâu jar kơmar hmâo hăng glăk hmâo tơlơi pioh kơ Việt Nam amăng bruă pơdŏng hăng pơgang lŏn ia ră anai.

Khua mir sir dêh čar ta pơtŏng sit Ping gah, Kơnuk kơna hăng Mơnuih ƀôn sang Việt Nam djă pioh na nao tơlơi dŏng yua yôm phăn mơng gơyut gơyâu jar kơmar, ƀu kah pha djuai ania, klĭ kiăng, khul đăo, gum hrom hăng Việt Nam na nao amăng hơdôm thun blan kơdŏng blah tơnap hloh. Tơlơi dŏng yua, gum djru yôm phăn anun jing laih sa črăn mơng gru grua kơdŏng blah ayăt mơng mơnuih ƀôn sang Việt Nam yua kơ tơlơi rơngai, dưi pô mơng lŏn ia, ăt kah hăng yua kơ tơlơi rơnuk rơnua, tơlơi djơ̆ phiăn ƀơi rŏng lŏn tơnah mơn./.