Khua mir sir ơi Nguyễn Xuân Phúc bơni Khua mua anom bruă pơgăn ƀong kông ngăn dêh čar hơmâo prăp lui klă bruă lăi pơthâo bruă mă thun 2022 hăng lu tơlơi pơhing, čih pioh lu mơta hăng dăp hơdră či mă bruă pơ anăp pok pơhai bruă mă thun 2023 kiăng ngă bruă tŭ yua hloh; čih pioh tơlơi pơgôp hiăp mơ̆ng ƀing hơmâo jơnum hrom.

Tŭ ư hăng hơdră mă bruă hăng bruă mă phun, bruă rơđah rơđong hloh mơ̆ng Khul git gai amăng bruă mă thun 2023, Khua mir sir rơkâo bruă mă anai khom ngă tui re se, djop bruă, djop bơnah pơpha, ding kơna amăng Khul git gai, pơčrâo bruă pơphun pơkra hơdră, kơčăo bruă pioh ngă tui pơblih čih pơkra tơlơi phiăn hơmâo lăi amăng Hră pơtrun mrô 27 yua anai lĕ sa amăng bruă hơdôm bruă mă yôm mơ̆ng akŏ thun pok pơhai ngă tui Hră pơtrun.