Ƀrô djơ̆ tal hơdor glăi 34 thun hrơi Abih bang mơnuih ƀôn sang pơgang guai dêh čar, 64 thun hrơi gru grua phiăn juăt Ling tơhan pơgang guai dêh čar Việt Nam hăng 60 thun hrơi gru grua phiăn juăt Sang hră pơtô bruă pơgang guai lŏn ia, mơguah lơ 28/2, Khua mir sir jăng jai dêh čar yă Võ Thị Ánh Xuân  nao čuă hăng mă bruă ƀơi Sang hră pơtô bruă pơgang guai lon ia – Anom pơtô juăt, pơtô brơi dong kơ mơnuih mă bruă hăng kơsem min bôh thâo phrâo mơng khul Ling tơhan pơgang guai dêh čar ƀơi plơi prong Sơn Tây, Hà Nội.

Pơhiăp amăng mông mă bruă, Khua mir sir jăng jai dêh čar yă Võ Thị Ánh Xuân lăi rơđah, găh yŭ tơlơi git gai mơng Ping gah Khul ling tơhan dêh čar, Ding jum Khul ling tơhan dêh čar mơ̆ ƀơi anăp lĕ Ƀirô pơtrun bruă Ling tơhan pơgang guai dêh čar, Sang hră hmâo hrưn đĭ pơdŏng anom bruă kơjăp kơtang abih bang, ngă tui klă dua bruă phun lĕ anom pơtô pơhrăm kơsem min hăng jing ƀơi anăp prăp lui kơdŏng blah mơng Ƀirô pơtrun bruă tơhan pơgang guai dêh čar. Amăng mông kah hăng ră anai glăk ba tơbiă tơlơi kiăng, bruă jao jai hrơi jai prong hăng Ling tơhan pơgang guai dêh čar lăi hrom hăng Sang hră pơtô bruă pơgang lŏn ia lăi ha jăn amăng bruă pơdŏng, wai lăng hăng pơgang pô rơnuk rơnua Guai dêh čar amăng tơlơi phrâo./.