Grup hyu mă bruă hơmâo nao čuă, ƀơk gơnam brơi tơhan hơđăp Nguyễn Hữu Chấp, thun tơkeng 1931, dŏ ƀơi phường Him Lam hăng tơhan hơđăp Nguyễn Viết Điểm, thun tơkeng 1930, dŏ ƀơi phường Thanh Bình, plơi prong Điện Biên Phủ. Ƀơi anai, Khua mir sir jang jai yă Võ Thị Ánh Xuân hơmâo tơña bla tơlơi suaih pral, tơlơi hơdip kơ ƀing ling tơhan Điện Biên; pơdah pran hơdor tơnga hăng hơdôm tơlơi gum pơgôp, tuh rơyuh pran jua prong prin mơng ling tơhan Điện Biên amăng rơnuk blah wang kơdong glăi ayăt Prang, hrŏm hăng ling tơhan, mơnuih ƀôn sang blah dưi đưm hlâo adih.

Pơ ala brơi grup hyu mă bruă, Khua mir sir jang jai dêh čar ta pơpŭ ƀing ling tơhan Điện Biên hiam drơi jăn, jing anih ană tơčô gơnang nao, hrăm tui hăng tŏ tui gru grua ơi yă; laih dong ngă tui gru grua hiam klă mơng “Ling tơhan rơnuk wa Hô”, tŏ tui gru grua “Ling tơhan Điện Biên” đưm hlâo adih, tŏ tui pran gum pơgôp boh thâo, akŏ pơdong plơi pla jai hrơi hiam klă.