Pơhiăp amăng mông ngă lơphet, Khua mir sir Nguyễn Xuân Phúc lăi rơđah: Tơdrun tum păm Liên Chiểu amra jing anih bơngač phrâo ƀu djơ̆ kơnong kơ hăng bruă dŭ pơgiăng, logistic ôh mơ̆ gơnong bruă tuai čuă ngui hăng bơwih ƀong ƀơi Đà Nẵng ăt amra dưi tŭ mă mơn bôh tŭ yua ñu, pơjing bruă sĭ mơdrô jar kơmar lu mơta, lu tơhnal, pok prong rơwang pơđĭ kyar ƀu djơ̆ kơnong kơ brơi kơ Đà Nẵng đôč ôh mơ̆ brơi kơ đơ đam kual Tŏng Krah dêh čar dong; pơhlôm pơgang lŏn ia, rơnuk rơnua plơi pla, djă pioh kơjăp “guai lŏn ia, jơlan phun”, tơhnal pơkă phun kơ Lŏn ia.

Khua mir sir dêh čar ta pơtă, anai lĕ rơwang bruă prong, wot rơnoh ñu hăng abih bang rơnoh tuh pơplai, bơdjơ̆ nao truh 4.324 bôh sang anô̆ anun ngă tañ, ngă hmar, ngă klă pioh mơnuih ƀôn sang tañ hơđong tơlơi hơdip mơda; bruă pel ĕp, pơtrut, pơsir tơlơi gun lĕ yôm phăn biă./.