Khua mir sir ơi Lương Cường bơni biă kơ tơring glông anai, mah dŏ lu tơlơi tơnap samơ̆ gir găn rơgao djŏ tơlơi tơnap, tơlơi lông, ngă truh kih djŏp hơnong pơkă pơđĭ kyar bơwih ƀong huă mơnuih mơnam, gru grua boh thâo, mơnuih mơnam. Tơlơi hơdip mơnuih ƀôn sang pơplih klă mơn; bruă pơgang lŏn ia, rơnuk rơnua, pơtom hiăp hăng čar rơngiao ăt hơmâo ngă kjăp hăng klă tui.

Khua mir sir kiăng ping gah, gong gai djŏp anom bruă mơ̆ng tơring čar Lai Châu pơƀut git gai, črâo bruă, lăi pơthâo tong ten jơlan hơdră tơlơi pơtrun mơ̆ng Ping gah, tơlơi phiăn mơ̆ng kơnuk kơna; djă pioh, pơtrut tui gru grua khăp kơ lŏn ia, khin hơtai sông kơtang; pơtrut pran gum pơgôp thâo khăp pap nao rai, ƀu-eng kơ ƀing tuai mơ̆ng tơhan hăng mơnuih ƀôn sang tơring čar Lai Châu; pơtrut pran gum pơgôp abih bang mơnuih, râu mơdưh pran jua akŏ pơdong plơi pla lŏn ia hiam pơdrong, ngă truh kih bruă hơkrŭ, pơđĭ tui tơlơi hơdip mơnuih ƀôn sang hăng pran jua “Abih bang gum tơngan djru mơnuih rin, ƀu hơmâo pô hlơi dŏ glăi gah tlôn” laih anun bruă bơkơtưn “Lŏm hĭ sang dŏ ƀu rup, tơ̆i phơ̆i” tui djơ̆ hăng tơlơi git gai mơ̆ng Kơnuk kơna wơ̆t hăng Khua dêh čar.