Ƀơi mông brơi Miđai, pơ ala kơ khua mua Ping gah hăng Kơnuk kơna, Khua mir sir ơi Lương Cường brơi Miđai 40 thun Ping gah hăng bơni hơ-ơč kơ Khua wai lăng anom bruă Khua mir sir ơi Lê Khánh Hải. Hok mơ-ak hăng pơ-ư ang biă mă lơ̆m hơmâo mă Miđai 40 thun Ping gah, Khua wai lăng anom bruă Khua mir sir Lê Khánh Hải bơni biă mă kơ Ping gah, Kơnuk kơna; Khul khua apăn bruă Ping gah hơdôm anom bruă Ping gah gơnong dlông, Ping gah Anom bruă Khua mir sir hrŏm hăng abih bang khua mua nao pơhmư̆, pơtrut pơsur, pơphun hrơi ngă lơphet yôm pơphăn anai.

Ơi Lê Khánh Hải pơsit amra hrŏm hăng Anom bruă Khua mir sir gum pơgôp, ha pran jua găn rơgao tơnap tap, lông lăng, gir ngă truh kih djŏp bruă kơđi čar mơ̆ng anom bruă, akŏ pơdong Ping gah jai hrơi mă bruă tơpă, kơtang, gum akŏ pơdong hăng pơgang lŏn ia amăng rơnuk phrâo, rơnuk hrưn đĭ pơdrong sah, yâo mơ-ak./.