Ƀơi mông bưp, dua čô khua lăi, hơdôm bruă pơbưp, bơkơtuai pơphun na nao ƀơi djŏp gưl biă ñu lĕ gưl prong, pơƀuh pran jua đăo kơnang nao rai, jing phun tơhnal či pơtrut tui tơlơi ngă hrŏm amăng bruă pơkŏn; lăi dua bơnah kiăng gir hloh dong či djă bong hăng pơtrut tui rơnoh đĭ kyar tañ mơ̆ng bruă sĭ mơdrô dua bơnah, laih dong mơneč mă djŏp tơlơi gêh gal hăng tơlơi thâo rơgơi amăng bruă ngă hrŏm dua boh dêh čar amăng 75 thun rơgao, či ba tơlơi ngă hrŏm amăng bruă pơkŏn dưi dlăm hloh, sit nik, tŭ yua kơ dua bơnah. Dua čô khua tŭ ư amăng hrơi blan pơ anăp amra pơtrut ngă hrŏm gah gru grua boh thâo, pơbưp mơnuih ƀôn snag, biă ñu lĕ hlăk ai dua boh dêh čar đah mơ̆ng thâo hluh nao rai hloh.