Pơhiăp ƀơi mông jơnum, Khua mir sir ơi Nguyễn Xuân Phúc pơdah pran jua h’ŭ pơpŭ hơdor tơngia kơ Khua mir sir Hồ Chí Minh hing ang, pơdah pran jua hơdor tơngia kơ tơlơi tuh rơyuh pran jua prong prin mơ̆ng khua tơhan, ƀing ngă bruă hơkrŭ, ling tơhan hăng mơnuih ƀôn sang khin hơtai djai drơi pô tơgŭ blah ayăt kiăng pơklaih rơngai djuai ania.

Khua mir sir ơi Nguyễn Xuân Phúc lăi rơđah, bruă mă yua anih pioh h’ŭ hơdor glăi ƀơi Hòn Tàu-Đèo Le yôm biă mă mông anai, ling tơhan hăng mơnuih ƀôn sang amăng dêh čar ta hlăk anăp nao hơdor glăi tal 78 thun hrơi akŏ pơjing khul ling tơhan mơnuih ƀôn sang Việt Nam lơ 22/12 hăng33 thun hrơi abih bang mơnuih ƀôn sang ngă hrom pơgang lŏn ia. Mơ̆ng anun, sa wơ̆t dơ̆ng kiăng lăi pơtong, tơlơi hơkrŭ blah ayăt kiăng pơgang dêh čar, lŏn ia kơ djuai ania Việt Nam lĕ tơlơi tơgŭ hơkrŭ yôm pơphăn biă mă, yua kiăng rơngai, ngă pô hăng tơlơi mơak hlak kơ mơnuih ƀôn sang.