Tui jơlan jơlan hơdră bruă mă amăng tal nao čuă, tơdơi kơ mông čơkă gưl Kơnuk kơna yua Khua mir sir Indonesia git gai, Khua mir sir ơi Nguyễn Xuân Phúc jơnum hrŏm hăng Khua mir sir ơi Joko Widodo; nao lăng mông pơjrao nao rai hră kĭ pơkôl kơplah wah dua boh dêh čar; laih anun mông ƀong huă hrŏm yua Khua mir sir ơi Joko Widodo git gai. Khua mir sir ăt amra bưp khua Khul pơ ala mơnuih ƀon sang dêh čar Indonesia; Jơnum hăng Khua khul pơ ala mơnuih ƀon sang hơdôm ƀon lan ƀơi Indonesia.

Khua mir sir ăt amra pioh hrơi mông pơbưp, hiăp bit hrŏm ƀing apăn bruă, mơnuih mă bruă ƀơi Sang anih jưh pơ ala dêh čar Việt Nam pơ Indonesia. Tal nao čuă lĕ pơđŏm glăi tơlơi yak nao phrâo mơng dua bơnah, ba tơlơi rô nao rai ngă hrŏm yôm phăn Việt Nam - Indonesia jai hrơi dơlăm, sit nik hăng tŭ yua, djru brơi sit nik tui tơlơi dưi mơng mơnuih ƀon sang dua bơnah.