Hlâo kơ truh hrơi čơkă têt thun phrâo Qúy Mão 2023 hăng ƀrô hơdor glăi tal 93 thun akŏ pơdong ping gah, tui hăng bruă juâ̆t ngă mơ̆ng djuai ania, lơ 11/1, ƀơi ƀôn prong Hồ Chí Minh, Khua mir sir ơi Nguyễn Xuân Phúc hơmâo nao dưm guang bơnga, čuh ñang h’ŭ kơ Khua mir sir Hồ Chí Minh, nao čuă, ƀơk gơnam têt kơ sang anŏ ƀing khua mua ping gah hăng kơnuk kơna rơngiă laih. Nao čuh ñang hăng ba guang bơnga ƀơi sang Djă pioh gơnam gru, Khua mir sir ơi Nguyễn Xuân Phúc hăng grup hơmâo pioh mông h’ŭ kơ Khua mir sir Hồ Chí Minh mơnuih khin hơtai mơ̆ng djuai ania, mơnuih rơgơi kơhnâo gru grua hing ang mơ̆ng djuai ania Việt Nam.

Pơdah pran jua hơdor tơngia prong biă mă hăng Khua mir sir Hồ Chí Minh-mơnuih pơyơr abih tơlơi hơdip pô kơ bruă hơkrŭ djuai ania, rơngai dêh čar, man pơdong lŏn ia Việt Nam mơnuih mơnam bơkơnar rơnuk rơnua mơak klă tŭ ư sa pran jua. Nao čuh ñang hơdor kơ Khua tơhan krên dên rơgom ơi Lê Đức Anh, Khua mir sir mơ̆ng thun 1992-1997, ơi Nguyễn Xuân Phúc, Khua mir sir dêh čar ta lăi, mah ngă bruă hơgĕt hai, rơgom ơi Lê Đức Anh ăt hur har, abih pran jua tuh rơyuh kơ bruă mă, hơmâo pơgôp hiăp lu tơlơi pơgôp hiăp yôm amăng bruă mă pơprong kơ lŏn ia.