Hơdôm thun laih rơgao. Ping gah kông ang gơnong glông, Khua mua Ding jum kông an đing nao biă mă ƀing hlăk ai čơđai, pơjing sang anŏ tơhan kông ang hơdip yâo mơ-ak, hơđong kjăp. Truh ră anai, hơmâo rơbêh 3 rơbâo čô čơđai drit druai, sang anŏ tơnap tap hơmâo kông ang hơdôm anih anom, ƀon lan djru čem rông ba. Abih bang čơđai rông ba lĕ ƀing ană tơčô tơhan kông ang hơmâo pơhlôm brơi bruă hrăm hră, jing ană tơčô săng, hrăm hră rơgơi.

Đĭ pơhiăp amăng mông bưp, Khua mir sir ơi Tô Lâm rơkâo djop ding jum, gơnong bruă, gưl Ping gah gong gai djop gưl đing nao pok pơhai khut khăt, tŭ yua hơdôm tơlơi črâo trun mơng Ping gah, hơdră bruă, tơlơi phiăn mơng Kơnuk kơna kơ bruă čem rông ba, pơtô pơjuăt, wai pơgang brơi ƀing čơđai hăng hơdôm hơnong pơkă tong ten, anun lĕ “Abih bang mơnuih djru brơi ƀing čơđai, ƀing čơđai hlơi hlơi lêng kơ kiăng tơlơi gum djru, čem rông ba”.