![VOV/Siu H'Mai pơblang](/themes/custom/vov_4/images/avatar.png)
Tơdơi kơ hmư̆ ƀing khua ding jum, anom bruă lăi pơthâo pơgôp hiăp hơdră rơkâo đĭ mơ̆ng tơring čar, Khua mir sir ơi Tô Lâm lăi rơđah, Cao Bằng jing anih yôm phun, jing “pơnăng pơgăn” mơ̆ng Lŏn ia, jing “bah amăng” gah Yŭ hăng gah Kơdư mơ̆ng lŏn ia ta, hơmâo lu anih anom glai klô hiam; hơmâo 27 phung djuai ania ƀiă hơdip hrŏm hăng gru grua phara.
![Khua mir sir ơi Tô Lâm pơhiăp ƀơi mông ngă bruă](https://vov4-media.solidtech.vn/sites/default/files/styles/large/public/2024-06/11_06_chu_tich_nuoc_to_lam_phat_bieu_tai_buoi_lam_viec__0.jpg)
Kiăng dưi ngă truh kih bruă hơmâo jao amăng hrơi blan pơ anăp, Khua mir sir kiăng tơring čar Cao Bằng ngă bruă dưm kơnar, ha pran jua, ngă bruă khut khăt, kơtưn đĭ pơ anăp, thâo gum pơgôp, pơ-ư ang djuai ania; pơtrut tui tơlơi pơčeh phrâo, pran kơjăp kơtang, gru grua hing hang, boh thâo hiam, ană mơnuih mơ̆ng kual lŏn ngă hơkrŭ, ƀu tơguan kơ pô hlơi drơi pơpă ôh, khŏm gir mă pô, ngă truh kih akŏ bruă pơđĭ kyar bơwih ƀong huă - mơnuih mơnam thun 2021-2025.
Viết bình luận