Lơ 11/6, ƀơi Hà Nội, Ping gah Kông ang dêh čar, Ding jum kông ang pơphun jơnum jao bruă tui tơlơi gơgrong, tơlơi glăm ba mơng Ding jum kông ang kơplah wah Đại tướng ơi Tô Lâm, Ding kơna Ding jum kơđi čar, Khua mir sir dêh čar Việt Nam hăng Thượng tướng ơi Lương Tam Quang, Ding kơna Ping gah dêh čar, Khua ding jum kông ang. Đĭ pơhiăp amăng mông jơnum, Khua mir sir ơi Tô Lâm pơpŭ kơ Thượng tướng Lương Tam Quang hơmâo ruah đĭ ngă Khua ding jum kông ang; pơsit tong, tơlơi anai pơdah tơlơi đăo gơnang, tơlơi đing nao mơng Ping gah, Kơnuk kơna hăng mơnuih ƀôn sang hăng tơhan kông ang, tơlơi tŭ yap, lăng yôm hơdôm tơlơi gum pơgôp mơng Thượng tướng Lương Tam Quang amăng bruă jao amăng thun blan rơgao.

Kiăng tŏ tui hơdôm boh than dưi ngă, ngă truh kih bruă jao amăng wai pơgang lŏn ia, pơhlôm hơđong mơnuih mơnam, Khua mir sir ơi Tô Lâm rơkâo pơ anăp anai, tơhan kông ang tŏ tui hruă kjăp, ngă ba glăi tŭ yua hơdôm tơlơi pơtrun mơng Ping gah, Kơnuk kơna amăng wai pơgang rơnuk rơnua. Tơdơi kơ mông jao bruă, Khua ding jum ơi Lương Tam Quang amra git gai djop mơta bruă wai pơgang rơnuk rơnua lŏn ia, pơhlôm hơđong mơnuih mơnam hăng pơjing tơhan kông ang, tŏ tui hơdôm tơlơi git gai, hơdôm bruă mă mơ̆ Khua mir sir glăk črâo ba, hăng hơnong pơkă ngă truh kih hơdôm tơlơi pơtrun mơng Ping gah.