Pơhiăp ƀơi mông bưp, Khua mir sir ơi Võ Văn Thưởng pơdah pran jua pơ–ư ang hăng glăm ba prong dưi hơmâo khua mua apăn bruă ping gah dêh čar, Khua git gai ping gah ơi Nguyễn Phú Trọng, ƀing khua mua ping gah, kơnuk kơna đăo kơnang lăi pơthâo anăn brơi khua mua pơ ala mơnuih ƀôn sang dêh čar ruah ngă khua mir sir, sa bruă mă glăm prong prin kơ lŏn ia hăng mơnuih ƀôn sang dêh čar jao.

Khua mir sir lăi pơtong, tơlơi kiăng, bruă anăp nao yôm hloh jơlan hơdră pơđĭ kyar djuai ania, dêh čar, kơ hơdôm bruă mă mơ̆ ping gah, mơnuih ƀôn sang hăng ling tơhan đăo kơnang khom gir run abih pran jua kiăng dưi ngă bruă prong  glăm ba ƀơi anăp Ping gah, Kơnuk kơna hăng mơnuih ƀôn sang, khut khăt ngă tui djơ̆ tơlơi pơtrun mơ̆ng Phiah phiăn jing tơlơi phiăn phun kơ dêh čar. Amra pơđing hmư̆ tơlơi pơgôp hiăp, ƀư̆ pơkra pran jua tơlơi pơmin jing sa čô ană, mơnuih thâo khăp kơ lŏn ia. Khua mir sir ơi Võ Văn Thưởng čang rơmang tŭ mă tơlơi lăi pơthâo, rơkâo đĭ mơ̆ng lăm pran jua tơpă, glăm ba mơ̆ng ƀing khua mua, mơnuih mă bruă amăng Anom Khua mir sir hăng bruă mă man pơdong laih anun pơđĭ kyar lŏn ia.