Đĭ pơhiăp amăng mông mă bruă, Khua mir sir ơi Võ Văn Thưởng lăng yôm hơdôm tơlơi dưi ngă mơng gơnong bruă pơsir kơđi amăng thun blan laih rơgao, laih dong rơkâo gơnong bruă ƀơi anăp hơdôm kơđi kiăng sem lăng tong ten, tơpă, mă yua tơlơi phiăn brơi lăp djơ̆, lăng tơlơi dưi kơ Kơnuk kơna, mơnuih ƀon sang lĕ prong hloh.Ƀing mơnuih ngă soh kiăng pơsir hĭ hmao tlôn, khut khăt, djơ̆ mơnuih, djơ̆ kơđi, djơ̆ hăng tơlơi phiăn, anăm pơsir soh glăi, ƀu djơ̆ mơnuih, pơsir hĭ khut khăt ƀing ngă akŏ, laih dong sem lăng tong ten bruă ngă soh mơng rĭm čô mơnuih, pơhlôm djơ̆ tơpă sit, lăp djơ̆ hloh.

Khua mir sir ăt rơkâo, mơng hơdôm kơđi, gơnong bruă kiăng kơsem min, lăng glăi kiăng ĕp ƀuh hơdôm tơlơi aka ƀu sir amăng hơdră bruă, tơlơi phiăn, hmao tlôn pơphô bruă brơi Ping gah, Kơnuk kơna čih pơkra, pơgiong hơdră bruă brơi kơ klă hloh tui tơlơi jao mơng mơnuih ƀon sang amăng krăo lăng kơdrưh mơng Kơnuk kơna lơ̆m pơsir kơđi tơlơi.