Lăng yôm bruă ơi Jadamba Enkhbayar hăng grup khua mua mơ̆ng dêh čar Mông Cổ rơkâo kơ bruă ngă hrom, Khua mir sir ơi Võ Văn Thưởng lăi pơtong, Việt Nam hăng Mông Cổ lĕ dua boh dêh čar gơyut gơyâo hơmâo gru grua mơ̆ng sui laih, mơnuih ƀôn sang dua bơnah ăt jĕ giăm nao rai sui thun laih mơ̆n. Giăm 70 thun rơgao, tơlơi ngă giăng mah, gơyut gơyâo dua bơnah dêh čar đĭ na nao ƀu pơdơi ôh, ngă kjăp tui, pơđĭ kyar kơtang. Ƀơi mông tŭ jum, Khua mir sir ơi Võ Văn Thưởng lăi lĕ, tui hăng boh tơhnal yôm ngă hrom dua bơnah, dua boh dêh čar ăt gir run pơtrut tui bruă ngă giăng mah hlom bom hloh amăng rơnuk phrâo.

Kiăng dưi ngă tơhnal anai, Khua mir sir rơkâo dua bơnah ăt pơtrut lu bruă mă pơblih nao rai grup khua mua čuă jơmư tơdruă gưl gơnong dlông hăng djop tơring čar; mơ̆ng anun kiăng dua bơnah thâo hluh nao rai hloh, đăo kơnang tơdruă; pok pơhai lu hơdră ngă gêh găl hloh amăng bruă jĕ giăm, găn rơgao nao rai mơ̆ng mơnuih ƀôn sang dua bơnah.