Amăng hră mơ-it, Khua git gai Ping gah, Khua mir sir dêh čar Lao Thongluon Sisoulith lăi pơtong bruă ơi Võ Văn Thưởng arăng ruah đĭ ngă Khua mir sir pơdah tơlơi đăo gơnang mơng Ping gah, Kơnuk kơna hăng mơnuih ƀon sang Việt Nam hăng ñu pô; pơsit tong amra ngă hrŏm kiăng pơgôp hơkrŭ glăi tơlơi rô nao rai giang mah hing ang, gum pơgôp yôm phăn, ngă hrŏm djop mơta, jing gŏp, adơi ayong kơplah wah dua Ping gah, dua kơnuk kơna hăng mơnuih ƀon sang dua bơnah.

Kông điêng mơng Khua mir sir Khač ơi Tập Cận Bình lăi pơtong, dêh čar Khač hăng Việt Nam lĕ dua boh dêh čar ha guai tui jơlan xã hội chủ nghiã. Khua mir sir ơi Tập Cận Bình lăng yôm tơlơi rô nao rai Khač-Việt Nam, amra gir run hrŏm hăng Khua mir sir Võ Văn Thưởng pơtrut tơlơi rô nao rai ngă hrŏm dua bơnah tŏ tui pơđĭ kyar hơđong, hiam klă.