Khua git gai ping gah ơi Tô Lâm, Khua mir sir ơi Lương Cường hăng Khua dêh čar ơi Phạm Minh Chính lăi pơtong, Việt Nam lăng kơ dêh čar Mi jing bơnah ngă hrŏm yom biă mă hăng Việt Nam.

Kơnang kơ atur pơđĭ kyar bruă ngă giăng mah dua bơnah thun blan rơgao, Khua git gai ping gah ơi Tô Lâm, Khua mir sir ơi Lương Cường hăng khua dêh čar ơi Phạm Minh Chính đăo kơnang biă mă hăng tơlơi git gai hăng dong yua ơi Donald Trump, bruă giăng mah Việt Nam hăng Mi amra pơđĭ kyar tui kơjăp hloh kah hăng tơlơi phiăn pơkă pơpŭ nao rai tơlơi rơngai, ngă khua pô hăng phiah phiăn kơđi čar tơdruă, yua kiăng rơnuk rơnua, hơđong, ngă hrŏm laih anun pơđĭ kyar kơjăp amăng kual hăng amăng rŏng lŏn tơnah, boh nik ñu ƀrô djơ̆ hơdor glăi 30 thun hrơi akŏ pơjing bruă pơtom hiăp sit nik thun 1995-2025 laih anun 2 thun ngă hrŏm pơtom hiăp tong ten kơjăp hlom bom hloh Việt Nam hăng Mi. Hrơi anun mơ̆n, Kơ-iăng Khua mir sir yă Võ Thị Ánh Xuân ăt mơ-it hră bơni hơ-ơč mơak hrŏm hăng Kơ-iăng khua mir sir ơi James David Vance.