Nao čuă Trung tá Trương Công Cường, Kơ-iăng Khua grup hăng Thiếu tá Nguyễn Văn Hưng, tơhan pơlih mă bruă ĕp tơlơi soh gah ma túy-gah anom bruă kông an tơring čar Gia Lai rơka rơkač lơ̆m nao mă bruă; ƀing khua mua ping gah, jơnum min mơnuih ƀôn sang tơring čar Gia Lai bơni kơ tơlơi khin hơtai 2 čô khua hăng tơhan kông an, kiăo mă mơnuih soh sat.

Tơlơi anai brơi ƀuh, anŏ hŭi rơhyưt mơ̆ng ƀing tơhan kông an bưp rim hrơi dong ƀơi anăp mơta na nao, lơ̆m hyu mă bruă pơgang tơlơi rơnuk rơnua kơ mơnuih mơnam, pơgang anŏ hơđong kơ ană plơi pla. Birô ping gah, jơnum min mơnuih ƀôn sang tơring čar Gia Lai rơkâo khua mua tơhan kông an Gia Lai hmao kru đing nao, ngă tui klă hơdră djru ba kơ khua mua, tơhan rơka rơkač lơ̆m nao mă bruă. Ră anai, tơlơi suaih pral mơ̆ng Trung tá Trương Công Cường hăng Thiếu tá Nguyễn Văn Hưng hlăk grăng tui ƀơƀrư̆ laih anun hlăk dŏ krăo lăng, pơjrao djơ̆ hơdră ƀơi sang ia jrao prong Hoàng Anh Gia Lai.