Hlâo kơ anun, amăng tal jơnum anai, Gong gai dêh čar ta hmâo lăi pơthâo glăi tơlơi pok pơhai kơčăo bruă pơđĭ kyar bơwih ƀong – mơnuih mơnam hơdôm blan akô̆ thun 2024. Kiăo tui anun, mơ̆ng akô̆ thun 2024 truh ră anai, tơlơi ƀơi rŏng lŏn tơnah ngă tơnap dong, ƀu thâo him lăng hăng lu tơlơi tơnap, tơlơi lông.

Rơđah biă ñu, rơnoh đĭ kyar GDP 3 blan tal sa thun 2024 khă pơplih mơn samơ̆ akă pơwot glăi rơnoh kiăng hloh ôh, akă djop pioh pơjing rai hơdôm yak pơplih phrâo kơ pơđĭ kyar kơjăp phik hăng akă dưi djru dêh čar ta tơtlaih mơ̆ng jơlan tơblut amăng rơnoh pơhrui glăi hơnong ñu. Bruă ngă đang hmua, bơwih ƀong huă sĭ mơdrô mơ̆ng anom bơwih ƀong dô̆ lu tơlơi tơnap; mrô pơhrui glăi kơdun glăi lu hloh mrô anom bơwih ƀong pơmut hrŏm hăng pơmut glăi anih anom sĭ mơdrô. Hlâo kơ anun, bruă bơkơtuai ƀơi grŭp, sa dua tơlơi gum pơhiăp lăi lĕ đĭ kyar 3 blan tal sa thun 2024 lu, rơkâo pơhrua nao dong hơdră pơkă pơđĭ kyar thun 2024 dlông hloh pioh hmâo jơlan pơsir, hơdră bruă git gai lăp djơ̆ hăng tơlơi kiăng pơđĭ kyar hăng ngă tui sit bôh nik ba tơbiă./.