Tlam lơ 19/12, ƀơi Ƀirô mă bruă, Khua pơ ala mơnuih ƀon sang dêh čar ơi Vương Đình Huệ git gai mông mă bruă kơplah wah Ping gah khul pơ ala mơnuih ƀon sang hăng Khul apăn bruă Ping gah ƀôn prong Hồ Chí Minh kơ bruă pơjing “Akŏ bruă pơjing črăn tơlơi pơsit kơ hơdră bruă kiăng pơtrut pơđĭ kyar ƀôn prong Hồ Chí Minh” plih hĭ tơlơi pơtrun mrô 54 mơng Khua pơ ala mơnuih ƀon sang dêh čar. Hăng pran jua “Thâo pơmĭn, khin ngă, yua tơlơi dưi hrŏm”, ƀôn prong Hồ Chí Minh pơsit tong hơnong pơkă, tơlơi pơsit pơjing tơlơi pơtrun plih hĭ tơlơi pơtrun mrô 54 anun lĕ: đing nao pơsir hĭ hơdôm tơlơi gun, tơnap tap amăng hơdră bruă, ngă gêh gal kiăng pơhưč tuh pơ alin kiăng djru brơi ƀôn prong dưi pơgiong bruă jao ba jơlan hlâo amăng bơwih ƀong huă, pơgôp kơtang amăng pơđĭ kyar hrŏm đơ đam dêh čar.

Đĭ pơhiăp amăng mông  mă bruă, Khua pơ ala mơnuih ƀon sang dêh čar ơi Vương Đình Huệ brơi thâo, akŏ bruă anai kiăng biă mă brơi kơ ƀôn prong kơkrŭ glăi rơnoh pơđĭ kyar, pơđĭ kyar tañ hăng hơđong kjăp ƀiă dong, tui hăng tơlơi pơsit, ƀôn prong Hồ Chí Minh yua kơ đơ đam dêh čar, đơ đam dêh čar yua kơ ƀôn prong Hồ Chí Minh. Khua pơ ala mơnuih ƀon sang dêh čar ơi Vương Đình Huệ rơkâo, ƀôn prong Hồ Chính kiăng đing nao hơdôm hơdră bruă prong, akŏ phun, yôm hloh hăng sit nik glăk bưp gun găn, tơnap tap.