Bruă hơmâo lu mơnuih đing nao lĕ črăn tơlơi phiăn anai pơhrua nao thong amuñ ngă rơka rơkač amăng hơdôm gơnam yua hŭi rơhyưt. Tui Ding jum kông ang, amăng hrơi blan laih rơgao, bruă mă yua ča čot phao pơkra mă, hơdôm thong đao kiăng kơ pơhŭi hăng  pơdjai mơnuih glăk ƀuh lu biă mă. Amăng 5 thun rơgao ƀuh giăm 17.000 wŏt, mă pơkŏng rơbêh 26.000 čô mơnuih yua thong añeng tơma tlâ̆o pơdjai mơnuih, tơlơi anai ngă bơngŏt amăng mơnuih mơnam.

Sit biă ñu tui pel ĕp brơi ƀuh, kơnong pơsir kơđi hình sự lơm sem lăng djop bruă ngă soh hăng hơdôm tơhnal phara, mơ̆ ƀu pơsir kơđi tui pô yua thong đao ča čot, yua amăng tơlơi phiăn ră anai ƀu lăi nao thong ôh. Črăn tơlơi phiăn glăk hơmâo Khua pơ ala mơnuih ƀôn sang dêh čar pơčrông sai, kơnong pơkă thong amuñ ngă rơka rơkač, tơlơi yua ča čot amra ngă soh hăng tơlơi phiăn; tơdah yua thong bok amăng ngă hmua, čoh tă añăm lĕ huăi ngă soh hăng tơlơi phiăn anai ôh.